SOUSOU مراقب عامة
الاوسمة : الاقامة : بريكة الابراج : عدد المساهمات : 1619 تاريخ التسجيل : 17/04/2010 العمر : 31
| موضوع: يا لي سألتني عن الحب بالنسبة لي هذا معناه شعر جزائري الجمعة 11 يونيو 2010 - 23:42 | |
| يا لي سألتني عن الحب = بالنسبة لي هذا معناه يا للي سألتني عن الحب = و قلتلي بالله خويا وعلاه ما تحاولش كاش ما تكتب = وتقولي برك وين نلقاه
عييت نقلب شرق و غرب = وين يقولولي نستناه
لقيتو كامل كذب في كذب = ما تلاقيتو ماعرفت معناه لا قريب و لا صاحب = و لا حبيب نعيش معاه
حياتي كامل و أنا نجرب = واحد ما لقيتو يسواه مانيش فاهم هذا القلب = و كأنه ضد مولاه
يحب يشقى يحب يتعذب = يحب الواحد لي ينساه
و ساعات تلقاني نحب = لي يكرهني نجري موراه
و لي يحبني و ليا يقرب = نهرب عليه مافهمتش علاه حاول خويا كاش ماتكتب = الجواب راني نستناه راح نحاول باش نجاوب = و ماراكش وحدك حاصل لله هو الحب هكذا يحب = يجري و يطوع مولاه
مايفيدوش معاه تجارب = ما يفيد ملك و لا جاه
شحال طوع من محارب = و حسرة شحال من فارس بكاه و جيت لعندي أنا نجاوب = و الله ماراني فاهم علاه
راح نديرلك واش راك تطلب = على ما نظن و العلم لله
أنت قلبك راه مخرب = و ما راكش عارف حتى وين راه
دير في بالك هذاك الحب = لي يهرب و أنت تجري موراه و لما يجري و أنت تهرب = عمرك ماتقعد معاه
على خاطر هذا لعب = مديور للي يتبع هواه
ما تنال منو غير التعب = ديرو كيما خيالك و انساه فرغ قلبك و عاود رتب = و خلي عقلك يخدم معاه
و قبل ما تحب لازم تحسب = باش كي تمدو تمدو لمولاه
هيا نبداو من أول حب = ….أول حب هو الله
لي عطاك هذاك القلب = لي راك تحوس باش تملاه
و لوكان ليه تقرب = أقرب منك رايح تلقاه ماشي كيما الحب لي يهرب = و انت تبقى تجري موراه
و بعده يجي ثاني حب = هو حبيبنا و حبيب الله عليه الصلاة و السلام تعب = باش وفرلك الدين تقراه
حبو علي و عليك واجب = سعدو المرء للي بغاه
المرء يحشر مع من يحب = تخيل روحك قاعد معاه و من بعد ثالث حب = أنه الواحد يحب يماه
تسع شهور و هو يتقلب = و هي مسكينة تتقلب معاه سنين و سنين و هي تتعذب = وين يطيح يلقاها حداه
حتى نهار يولي شايب = يبقى طفل في عيون يماه
و من بعدها رابع حب = أنو الواحد يحب باباه لأنه خرج من بين الصلب = و الترائب لي جواه
شحال شقا و شحال تعذب = باش كبر و باش رباه
دير في بالك كل ما تمد = أنت و مالك ملك له
و من بعد خامس حب = هو الشريك لي تعيش معاه دير في بالك نهار تتحاسب = نصف الدين هو تلقاه
تعيش معاه بلي كتب = و تتقاسمو كل شي نتا وياه
و تتعاشرو و معاه تنجب = طفل صغير لعقايب تلقاه و هذاك الطفل سادس حب = ماتحبش ولد دون سواه
سبعة داعب و سبعة أتعب = و سبعة صاحب دور معاه
و من بعد يجي سابع حب = من رحم واحد نتا وياه خوك خوك لايغرك صاحب = حتى الصاحب في الشدة تلقاه
و من بعد الصاحب الأقارب = و الجار لي تسكن حداه و من بعدهم تقدر تحب = كل مومن في طريقك تلقاه
و المريض لي راه يتعذب = دقيقة واحدةاقسمها معاه طل عليه إذا كان تحب = ربي سبحانه ثم تلقاه
و اليتيم لي فقد الأب = ولا حتى فقد يماه مسح على راسو و بدا تحسب = في كل شعرة أجر تلقاه
و الفقير للي ما كسب = و لي ما لحق حتى قوت عشاه واش راك تاكل واش راك تشرب = يالوكان خبزة اقسمها معاه
و زيد و زيد و لوكان نحسب = ما نيش رايح نحبس لله يا لي مبحر شرق و غرب = و مخلي كلشي موراه و يا لي سألتني عن الحب = بالنسبة لي هذا معناه
| |
|
fadwa نائبة المدير العام
الاوسمة : الاقامة : قلب زوجي عدد المساهمات : 3720 تاريخ التسجيل : 05/01/2010 الموقع : https://batna05dz.ahlamontada.com
| موضوع: رد: يا لي سألتني عن الحب بالنسبة لي هذا معناه شعر جزائري السبت 12 يونيو 2010 - 1:23 | |
| تــسلمي آختي الطيبة على المشآركة العطرة في منتدآنآ الغآلي بآنتظآر جديدك
وآصــــلي
| |
|
mouaiz المدير العام _ منشء المنتدى -
الاوسمة : الاقامة : باتنة عدد المساهمات : 7233 تاريخ التسجيل : 15/06/2009 الموقع : http://batna.arabstar.biz/
| موضوع: رد: يا لي سألتني عن الحب بالنسبة لي هذا معناه شعر جزائري السبت 12 يونيو 2010 - 1:42 | |
| سلمت يداكي على الموضوع
في انتظار جديدك | |
|
SOUSOU مراقب عامة
الاوسمة : الاقامة : بريكة الابراج : عدد المساهمات : 1619 تاريخ التسجيل : 17/04/2010 العمر : 31
| موضوع: رد: يا لي سألتني عن الحب بالنسبة لي هذا معناه شعر جزائري الأحد 13 يونيو 2010 - 9:41 | |
| | |
|
رودينا عضو جديد
الاقامة : العاصمة الابراج : عدد المساهمات : 4 تاريخ التسجيل : 27/09/2011 العمر : 39
| موضوع: رد: يا لي سألتني عن الحب بالنسبة لي هذا معناه شعر جزائري الجمعة 30 سبتمبر 2011 - 20:40 | |
| موضوعك هايل بارك الله فيك | |
|
Abdoo مشرف اداري
الاوسمة : الاقامة : متنقل عدد المساهمات : 5290 تاريخ التسجيل : 30/06/2011 الموقع : https://batna05dz.ahlamontada.com
| موضوع: رد: يا لي سألتني عن الحب بالنسبة لي هذا معناه شعر جزائري الخميس 22 ديسمبر 2011 - 12:00 | |
| كلمات ولا أروع مشكورة جدا موضوع هايل Merci beaucoup | |
|