لي ما يعرفكش يا صباط بلادي يقول عليك بابور
لي ما يعرفكش يا خروب بلادي يقول عليك بانان
لي قريه الذيب حفظو السلوقي
لي فاتو لكلام يقول سمعت
لي فاتو الطعام يقول شبعت
من كثرة الصحاب في الزنق يبات
داري داري يا ساترة عاري
جا يكحلها عماها
أنا نحفرلوا في لقبر و هو هاربلي بلفاس
تهنا الفرطاس من حكان الراس
أعطيني مالك ولا يسودلك حالك
زيتنا في دقيقنا
صام صام و فطر على بصلة
جا يجبد الماء طاح فالبير
الكلاب تنبح و نا ننجح
شاف الصوارد طاحوا عينيه
قدو قد السبع و يقول بع
اتغدى بيه قبل ما يتعشى بيك
ارجع يا صغري في كبري
الشيب و العيب
جسم فيل و عقل نمالة
لي بارت على سعدها دارت
فيل و يخاف من فار
اتغدى و تمدى و تعشى و تمشى
اصرف واش فالجيب يجيك واش بالغيب
المجحاح "البخيل " ما يداويه لا حبيب ولا طبيب
عايم فالمال و مشتاق تمرة
ربي يمد اللحم للي ما عندوش سنين "أسنان"
من كثرة لقوال "الهدرة بزاف" فلتولو لحبال
كل خنفوس عند أمو "يماه" غزال
كول واش يعجبك و البس واش يعجب الناس
بهدلوه و غسلوه غسيل الكرشة في الواد
جاب لروحو لبلا "البلاء" بيدييه
الزين زين لفعايل
الزين و الفعل الشين
ما يبقى بالواد غير حجاروا
المال السايب يعلم السرقة
خدام الرجال سيدهم
ما تتنفخ غير الجرانة "الضفدع
الصراحة راحة
ما تتكبر غير المزبلة "حاشاكم "
ما نخلط روحي بالنخالة ما ينقبني الجاج
جا يسعى ودر تسعة
بات ليلة مع الجران صبح يقاقي
الزينة بلا كحل و العزيزة بلا طفل
الزين زين لفعايل
المرا الفحلة زهرها فالما و الخايبة زهرها فالسما
لي مرتو قصيرة يقول مرتي ديما صغيرة
الكلام اللول ما يتبدل ما يتحول
لسانك حصانك لا صنتو صانك
الضرة مرة
الفساد ولا القعاد
عمارة الدار بالنسا لحرار
مشتاق و عمروا داق
التكرار يعلم لحمار
دا كلبوا للعرس ينحيلو خوف البارود علمو الغنا و الزغاريت
صام صام و فطر على بصلة
عيش نهارك سردوك و لا عمرك كامل جاجة
وكلوا عام ما يعشيكش ليلة
البركة في لقليل
كول شوية تعيش بزاف , كول بزاف تعيش شوية
الكسرة الصابحة دوا و البربوشة الصابحة "الكسكسي " دا "داء"
منا نيزيد و نسميوه بوزيد
داري على شمعتك تضوا
اقلب القدرة على فمها تطلع الطفلة لمها