نكت لكل مغبون ولا قلقان ينحي على بالو شوية

جمعت لكم مجموعة من النكت أتمنى أن تنال إعجابكم و تنحبلكم على بالكم

قالك مرة واحد فقيرديما يسقسيوه صحابو: واش تغديت? يقول: لوبيا
كل يوم نفس الجواب واحد النهار قالتلوا أمو: اكذب شوي قول تغديت فريت و شواء . كليت كفتة مع حميص. تغديت بيتز علاه ديما منزل علينا الفقر و الهم.
و غدوا كي سقساوه: واش تغديت ? قاللهم :بــيــتــزا قالولوا :واش جات مليحة (بنينة)? قال : و الله كليت 2 مغارف برك شبعت

قالكم مرة كاين واحد الشيخ يطلع فالروح لم كامل أولادوا باه ينصحهم قبل ما يموت وقالهم كل واحد يجيب معاه قداه من عصا صغيرة
مد لواحد من أولادو زوج عصاوات وقالوا كسرهم , حكمهم كسرهم زاد عطالو 3 زاد كسرهم وبقى كل مرة يزيدلوا يزيد يكسرهم حتى
وصل عشرة قالوا هاك كسرهم ضرك ؟؟؟؟ حكمهم هذاك الولد و زاد كسرهم !! !! !!! !!!شاف شاف معاهم باباهم مليح وقالهم: روحوا يا ولادي ربي معاكم مدام معاكم الجحش هذا ما نخافش عليكم

قالكم كاين واحد عندو بزاف الغنم بصح ما يصليش, مرة جاه الإمام تاع المنطقة حب يهديه قالو:لوكان تصلي الغنم نتاعك يوليو الضعف مالا هذاك السيد داه الطمع و عاد يصلي الليل مع النهار باه يزيد العدد نتاع الغنم وكل مرة يصلي يموتلو وحدة زوج و السيد غير صابر يقول ضرك يزيدوا اليوم يزيدوا غدوا يزيدوا حتى بقالو كبش واحد برك
خرجو يسرح بيه والكبش غير باع باع باع باع باع باع باع ما حبش يسكت خلاص
دار عندو السيد كيلو مليح وقالوا :سكر علي فمك تزيد تنطق نصلي عليك زوج ركعات نجيبك مكسل ميت

قالك واحد جزائري راح يحوس في تونس لقى وحدة مصرية قالها واش تعملي في حياتك ؟ قالتلوا :انا بقرا في الكلية "بالمصرية" و انت بتعمل ايه ؟ قالها :انا ثور في السوناطراك

بعد عام زواج قرر الفيل و النملة الطلاق بسبب كثرة المشاكل , لم "جمع" الفيل حوايجو في كابة و خرج و خلاها .دارت خالة بالبكاء حتى سمعتها الجارة و جات قالتها : نتي ضركا علاه قاتلة روحك عليه , خاوتو فالصوق بزاف , جاوبتها : ياو مانيش نبكي على الفيل لي حيمشي راني نبكي على الفيل لي في كرشي

قالك هاذي ناموسة دور على واحد في الصيف تقلق فيه ضربها طاحت داخت دخلوها للعناية المركزة 3 ايام و هي في غيبوبة كي فاقت لقات قرلو" بخوش " معاها بالإنعاش شاف معاها القرلو و قالها : واش فليت? (مبيد) قالتلو:لا لا . بشماق تاع النيلو

قالك مرة عائلة شرات كبش العيد بشهرينقبل , يدللوا فيه ويلعبوا معاه و ياكل معاهم و ينام معاهم في الدار و عشية العيد روحو على العايلة ما سمعوا غير بكاه بالصوت .سألوه واشبيك تبكي قالهم " و علاه حنا ما نعيدوش " الناس كامل شرات الكبش غير حنا

هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط لبس قش الدرك تاع خوه وهو نعسان .كي شاف روحو في لمرايا قال: يخي حالة يخي... قلتلها نوضيني نوضت خويا

قالك زوج صحاب دخلوا للمطعم واحد غني و لوخر فقير. الغني طلب شطيطحة جاج والفقير طلب صحن من حمص . الفقير بدا ياكل و يشلف روحو شاف فيه الغني و قالوا قول بسم الله و كول في عقلك باش ما يكلش معاك الشيطان دار عندوا الفقير مشنف وقالوا واش بيك الشيطان يخلي اللحم و يجي ياكل الحمص هبل ؟

قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس تاي. شافوا الغني طمع قالوا نعطيلك الفيلا و السيارة واعطيني المصباح الفقير قبل بالمقايضة . مع الفجر الغني مسح المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر و كابة صوارد, و ..... قالوا العفريت اسمحلي خويا نسربي غير التاي

قالك واحد جزائري راح للبحر لقي ليوناردو ديكابريو قالو واش آآآآآآآآآآآآآ روج مازلت ماشهمتش

سكران واقف قدام واحد الدارسقساه بوليسي واش انت من اهل البيت ؟؟؟ جاوبو لا لا انا من كفار قريش

مرة واحد قال لزميله في الجاميعة آني مروح كي يعلقوا لي نوت عيطلي فالتيليفون لوكان نجحت في مادة قولي آو يسلم عليك محمد باه واحد ما يعرف ,و كون نجيب زوج مواد قولي محمدين آم يسلموا عليك
بعد سمانة عيطلو صاحبو قالو أصاحبي أمة محمد كامل آي تسلم عليك

مرة زوج اصحاب واحد نجح في البكالوريا و الثاني لالا... فقرر الثاني ينتحر فقالو صاحبوأنا ننتحر معاك أمالا علاه صحاب ما نخليكش تموت وحدك و نا نموت قبلك و انتاحر.بدا صاحبوا يوجد في روحو باه ينتاحر خرجلو ملك الموت قالو : لا لا حبس ما نقبل غير الناس لي عندهم الشهادات.

قالك واحد سلولي " ينطق الشين سين" شاف عجوز تتبول بالشارع "حاشاكم " قاللها ماتبوليسي هنا . قالتلو الله يرحمو يا وليدي

قالك واحد العجوزة راحت للطبيب قالتلو : يا وليدي راه عندي الماء في ركبتي والغاز في معدتي ,قاللها :غير دخلي التريسيتي واسكني

واحد تاكسيور ركب معاه شيخ مدين . حاط الغنا على اللخر, فالطريق قال الشيخ: بعهد الرسول كان كاين راديو؟ قالو : لالا بابا الشيخ قال الشيخ: أمالا طفي البوسط من بعد شوية قال: في عهد الرسول كان كاين كليماتيزور؟ قالو: لا لا.قال الشيخ: أمالا طفيه عندي اللازم
مول الطاكسي كره حياتو قالو: بعهد الرسول كان حاجة يسميوها سيارة؟ قال الشيخ: لا لا ,قالو : أمالا إنزل وشوف كاش قافله من قوافل قريش توصلّك

3.واحد سكران شرى لي كيت مان ...بقى 10 دقايق راح رجعهم قالولو و علاش ............. قالهم في زوج فيهم غنية وحدة.

زوج مسيحيين واحد اسمه جورج و الثاني اسمه دانيال تاهوا فى الصحرا وقتلهم الجوع والعطش بالصدقة لقاو جامع قال دانيال لجورج: انا نقوللهم اسمي محمد باش يعطوني أكل وماء و يكرموني... جورج قال: لالا انا نقول اسمي جورج و لي صار يصير.
شافهم شيخ المسجد وسألهم عن اساميهم قال دانيال انا اسمي محمد وسأل جورج : قال اسمي جورج ...قال الشيخ جيبو الماكلة لجورج يا محمد أو صايم رانا في شهر رمضان

خطرة واحد كان يسرح بالنعاج وحاط رجل فوق رجل ويتكيف في قارو ايا طاحت طيارة قريب ليه...كي جات الصحافة تسالو كيفاش الحادثة المسكين من الخلعة بزاف قاللهم كنت نسرح بالطيارة و حاط قارو فوق قارو ونتكيف في رجلي .لقيت النعاج طاحو.
وحد النهار صرات آكسيدو" حادث " تلموا الناس و جا راجل كيريو" فضولي "متأخر وماقدرش يشوف فراح يبكي ويصيح ابتعدوا راني من أقارب الضحية وكي وصل لقا الضحية حمار...

خطرة واحد مشحاح اي بخيل جاءه ابنه عندو و قالو : بابا البارح حلمت بلي اعطيتني ألف فرنك قالوا الاب: رودهالي كنت نتمسخر معاك

تزوج مدرس رياضيات بمدرسة رياضيات فانجبا ولدا متوازي المستطيلات ..*

واحد مسكين حول كي راح سجل في الجيش ...حطوه في كتيبة القصف العشوائي

زوج صحاب راحوا يكومبيو فالغابة "يخيمو" فالليل و هوما راقدين حل اللول عينيه شاف مع السما وقال للثاني وش تشوف ؟ قالو نشوف فالنجوم ؟ قالو و هذا واش معناه؟ قال الثاني : يعني كاين مجرات وكواكب غيرنا في هاذ الكون . قال الأول هذا يعني بلي السقف "خيمتنا" اتسرق يا حمار

حمار خطيبته (حمارة) قاللها"وقتاش نتزوجو يا حمارتي" قاتلو"كي تسقم هدرتك يا واحد الحمار

مرة واحد كان قدام البحر هو و زوجتو ..قالتلو"فاش يفكرك غروب الشمس . قاللها :برجوع قرانديزر الى القاعدة

-قالك وحد العجوزة راحت عند الطبيب قالها باش تحسي ياالحاجة ؟ قالتلو ساعة بالما ساعة بالقازوز ساعة باللبن.

زوج مهابل تغانو : الاول رانا في الليل, الثاني رانا في الصباح .سقساو مهبول آخر : حنا في الليل ولا الصباح ؟قالهم : خاوتي منسكنش هنا.

واحد فقير راح يشري كبش العيد فقال للبائع: خويا الله يسترك بيعلي الرخيس فيهم .فقالو البائع : تأكلو هنا ولا تديه كاسكروت للدار

قلك واحد رايحينلو البولونات دخل لصيدلية باه يشري النعناع .قالوالفرمسيان راي صيدلية ماشي مارشي .قعد كل مرة يعاود نفس الشي . صاحب الصيدلية كره حياتو راح شرا النعناع باه يقيلوو ,كي جا قالوا كاين النعناع ,قالو نعم ,قالوا يا لعجب يا لعجب عمري ماشفت صيدلية تبيع النعناع.
　
نماة طلعت في كاس حليب و كي وصلت للقمة قالت : الحمد لله لي كتبلي عمر باه شفت البحر الأبيض
ثلاثة أغنياء حبو بتبرعوا بالاموال للفقراء وكان الثالث بخيل جدا . قال اللول أنا نرسم دائرة ونرمي صواردي لي لداخل ليا و لي طاحت برا خارجها للفقراء . وقال الثاني نرسم خطا و نرمي لي طاحت على اليمين ليا وعلى اليسار للفقراء . أما الثالث قاللهم نرمي صواردي في السماء لي طاحت ليا والتي تبقى في الهواء للفقراء
واحد قاتل روحوا لجال اللبسة حاسب روحو . مشا ورا وحدة , و جا يطفي القارو حطو في جيبو .دارت ليه قالتلو خويا راك تشعل . جاوبها اوووووووو بيان سور خوك ديما حطة

وحد المعلم سقسا وحد التلاميذ. قال: أعطوني شيء يتمدد بالحرارة ويتقلص بالبرودة
جاوبوتلميذ قالو: العطلة يا أستاذ. في الشتاء 15 يوم وفي الصيف 3 أشهر

واحد شرا صباط جديد تاع مليون طلع في الكار عفست عليه وحد العجوزة قاللها : ما الحاجة نحي رجليك راكي عافسة على مليون .قاتلو: اجبدهملي و ليدي تعيش ما شفتهمش كي طاحولي

-المعلم:واش معناتو كلمة سبيل. الطالب:طريق.. المعلم:ممتاز.. و دركا ما معنا كلمة (سلسبيل) الطالب: طرطريق.
واحد خروف صقصا أمه : قالها مااااااا وين راه باااااااااا قالتلو اتبااااااع

مرة معزة طاحت من بلاصة عالية بدات تقول مااااااااااااااااااا , جا الإسعاف يقول : ويييييييييييييييييييييينوووووووو........ويييييييييييييييينو قال الكلب : هاااااااااااااااااااااوووو.... هااااااااااوووووو
في باراج عند المغرب حبسو كار و نزلو كامل الركاب غير وحدة , جاها الشونبيط قالها :علاه قاعدة, قاتلو راني أونسانت "حامل" جاوبها :هيا أنزلي رانا كامل أونسانت " فهمها غلبانين

واحد دار عرس وعرض نساء بزاف , المهم اللي اسمها مودرن كيما سارة , صونيا يركبو فالكار , واللي اسمها كيما , خيرة ومرزاقة فالكاميو باش يروحو كورتاج, وصل صاحب العرس لوحدة ,قالها واش اسمك قاتلو فتيحة
ويعيطولي فاتي , قالها روحي فالكاميو وأرجعي فالكار

واحد دخلوه مصنع انتاع مركبات كيميائية , لقى صهريج فيه حمض الكلورHCL حب يعرف وش هو الأسيد , دخل يدو فيه , كي خرجها مالقاهاش ؟ داخ , زاد لاح يدو الأخرى وخرجها مالقاهاش ؟ حار أمالا دخل راسو
يحوس عليهم

واحد اسمو مفتاح لما مات دارهم ماحزنوش ومابكاوش عليه,كي صقصاوهم وعلاش ؟ قالوا : عندنا الدوبل

عجوز سقصات واحد " واش تخدم "؟ قالها طبيب أطفال , قالتلو وعلاش يا وليدي ماكنش عندك الدراهم تكمل قرايتك ؟

الأول : عندي ميموار" ذاكرة قوية "أي شيء يدخل في رأسي ما يخرجش ,الثاني : وكيفاه نسيت الصوارد لي سلفتهالك ,الأول : هذو دخلو جيبي ما شي راسي

مرة واحد صومالي صوتو مليح حب يهاجر للجزاير , لقاه منتج دخلو للأستوديو و باه يسجلو غناية , بدى بالغنا " ايديسيووووووو المجاعة تقديييييييييم الشاب هزيييييل في أغنية توحشتك آآآآآآآآآآآآآآآآآ الخبزة

واحد سلوسي شاف قطة قاللها "بس بس " قاتلو عيييييب راني مزوجة[img][/img][ندعوك للتسجيل في المنتدى أو التعريف بنفسك لمعاينة هذه الصورة]

مجموعة نكت رائعة

سرلمت يداكي

نكت روووووووووووعة يارب اللله فيك

شكرا شكرا لمرورك أخي معز

أسعدني مرورك عزيزتي حلا شكرا لك

» شوية معلومات عن الرجال
» ادخل لتفقه الاعراب ....واضحك شوية