ماعاد باقي شي يجمعنا

ماعاد باقي شي يجمعنا

يسري بنا الليل .. لانادت مواجعنا
ويفرح بنا الهم .. لاماتت امانينا

اغراب .. والحزن فالغربه يجمّعنا
اجساد نمشي .. وتتبعنا خطاوينا

كان الأمل في ظلام الوقت يزرعنا
لين الليالي .. تجي بالياس تجنينا

كنّا نعلّم جروح الوقت توجعنا
والحزن .. كنا نناديه وينادينا

نكتب : طريق الموادع مايرجعنا
نقرأ : طريق الموادع مايودينا

نبعد عن الهم .. نلقى الهم يتبعنا
من وين نبعد .. نلاقي همنا فينا

كنّا .. وهلحين كنّا وش بتنفعنا ؟
نادى الرحيل .. وسرق دربه خطاوينا

رحنا ورى الحب .. لين الحب ضيّعنا
مدري نسينا الزمن .. والا تناسينا !!

الين عشنا بلا صوره .. ولا معنى
ارواح .. تشبه لنا ظلمة ليالينا

واليوم .. ماعاد باقي شي يجمعنا
الا الوجع, والضياع , وحزن ماضينا

على كثر ماحلمنا .. ماتوقعنا
ينسى الزمن كيف كنا يوم حبينا

شكراً .. لأحساسنا اللي كان يخدعنا
شكراً لوقتٍ خذانا .. قبل يعطينا

شكراً لعمرٍ تركنا .. قبل يسمعنا
شكراً لأيامنا .. اللي جت توصينا

شكراً لأحلامنا اللي وقفّت معنا
شكراً لأحزاننا .. شكراً لأغانينا

بكت لنا الارض يوم انّا توادعنا
لأن الارض احضنتنا يوم حبينا

تحياتي

واصلي تميزك

كلمات جميلة

تشرفت بمرورك اخي ومديرنا المتميز دوما

واسعدتني كلماتك

تمنياتي لك بدوام الصحة والعافية ودمت بحفظ الرحمن

رووووووووووووووعة

سلمت يمناك على ما طرحت

تشرفت بمرورك حبيبتي تيمة

يعطيك ألف ألف عافية

عالطرح الأاكثر من رائع والكلمات الأروع

نترقب المزيد من مواضيعك الشيقة

بارك الله فيك مرورك يسرني وردك

يشرفني وتقييمك يفرحني الله جزيك بالخير

» رمضان يجمعنا....
» خسارتك للاسف ماعاد تعنيني
» لأنك اصبحتى دليلي فاليكى باقي الدليل