لو كان المال رجلا لتزوّجته كلّ النساء.... أيا معايا..

لو كان المال رجلا لتزوّجته كلّ النساء...
لوكان جاء المال راجل
راهي تزوجاتو كول مرا
هذا لكلام واقع و حاصل
و ما راهوش غير فكرة
راني نشوف الصّح و مارانيش نتخايل
و هاد لكلام قلتو شحال من خطرة
الدّنيا عندها مال و ذهب و خلاخل
تحواس و خرجات و معيشة بّرّا
تحب الراجل لمرفّه و العاقل
ألي يكون ليها سند و سترة
تتجمّع فيه كامل لخصايل
عز و مال و جاه و شهرة
و كاين ألي تقولّك معليش مرفّه و عادل
هادا إذا كان متزوّج شحال من مرّة..
لمهم مالو مليح و هايل
و زواجو حلالي ماشي غدرة
و كاين ألّي تقولك معليش شيخ و مالو طايل
يموت و نورث موراه الجرّة
نعاود نبني حياتي بسّاهل
و أنّاحي على روحي لبق و لغبرة
و كاين ألّي تقولّك ندّيه زوالي سروالو حايل
يبيع الحوت و لّا الخضرة
لمهم ننستر و البركة في لقلايل
و يكون خاطيه الزطلة و السكرة
و كي تلحق لعندو يبانو لفعايل
و تتبدّل كامل ديك الهدرة
تبدى تشكي و دمعها يتسايل
أنا كرهت و ملّيت هاد لمعيشة لمرّا
روح تزيد تخدم يا راجل
باش تقدر تعيّشني كي لعدرا
ولّيت نحشم نشوف و نقابل
النسا لّي نعرفهم برّا
لازم نوريلهم كامل
بلّي أنا تان نلبس ألبسة لماركة و لحرّة
و هو مسكين يساعف و يتحايل
بلاك يقدر يبدّللها النظرة
يبقى يهدر و يعاود و يحاول
بصّح محاااااااال يقدر يغيّر الفطرة....

منقول

» : احسن النساء...................وأسوء النساء
» افضل النساء و اسوا النساء
» النساء هن النساء مايتغيروش
» حوار بين المال والعلم والشرف
» سيدة النساء